Според мене, манирите кои се поставени како некои општествени стандарди за добро однесување, само ја извештачуваат комуникацијата помеѓу двата пола. Со тоа, не сакам да кажам дека не треба да постои коректен однос и почит, туку дека како и за секоја форма на бонтон, ако некој прави нешто поради тоа што постои стандард во општеството дека тоа е акт на џентлменство или дамство, тогаш тоа што е направено најчесто не е искрено и ја лишува индивидуата од слободата да се изразува согласно со нејзиниот темперамент, со што мора да следи некој код на однесување кој е „правилен“.
Е сеа, некој може искрено да верува во тоа и кога се однесува така, да сигнализира почит и внимание пошто тоа е во склад со личните принципи и у тој случај тоа е сосема во ред.
Некои од тие бонтон манири за однесување се застарени и тотално отфрлени денес, но некои од нив треба или поточно речено би требало да продолжат да се користат и не сметам дека истите го гушат индивидуализмот кај личноста која ги применува, него сугерираат на добро културно поткована особа која внимава на мали и ситни детали кои се за почит, а истите може, но и не мора да имплицираат на тоа дека служат за полесно да се освои некоја особа.
Примерот на отварање/задржување на врата е гест за почит кој сигурно ќе измами позитивна реакција кај другата страна. Истото не се применува само кон згодна млада женска, него и постари личности, па и личности од сопствениот пол. Ова и не знам зошто некој би го сметал како акт на џентлменство.
Отстапување на место во превозно средство, помагање со торбици/ранци или било каков терет, помагање на лице со некаков инвалидитет е исто така акт кој би требало да се применува независно од полот. Ова се работи кои треба да ги среќаваме секојдневно, но за жал, се поретко се гледаат во денешниов модерен свет.
Пример: Имам забележано средовечни жени со торбици како се мачат да се качат нагоре по скалите на железничката во Скопје. Или пак студентки кои си одат дома со куфери и ранци, натоварени скроз и машките ги одминуваат и најчесто зјапаат кога им се позади грб, нели,
а никој од нив не му текнува да понуди помош. Тука не се работи за џентлменство, него за општа култура.
Верувам дека воопшто не мислеше на овие акти горе(се надевам), него за манирите кои би требало(или не) да се применуваат кога сме на дејт или во некаков контакт со особа која сакаме да ја освоиме.
Отварање на врата на автомобил, местење на столчето во ресторан или земање на капутот/палтото, дозволување на предност во изборот нарачувањето на пиење/јадење, при пешачење на улица мажот да се наоѓа поблиску до коловозот, плаќање сметка итн. итн.
Тогаш да, зависи од индивидуализмот и истите не би требало да се наметнуваат, иако би било пожелно. Сега колку е тоа пожелно денес и ценето треба да се изјаснат дамите.
Од мое лично искуство, секогаш кога ќе сум направел некој таков мал гест, дали намерно или тотално незабележително, сум измамувал позитивна реакција од девојката и истото не останало неприметено, независно дали се работи за некоја која живее на "висока нога" или девојка со која си тераш лабав муабет уз пивце у парк.