Google деновиве ќе претстави апликација за гласовно пребарување наменета исклучиво за iPhone. Интересно е што Google одлучи да им даде предност на Apple и iPhone за користењето на оваа апликација, пред нивниот конкурентски модел G1 кој работи на Android.
Оваа технологија работи на принцип "прашање-одговор", при што корисникот би требало да поставува прашања од типот на "кој е главен град на Македонија?", "колку е часот во Лондон" и тн. Веднаш по поставеното прашање, гласот на корисникот кој се конвертира во дигитална датотека и префрлува на серверите на Google, по што (секако, во зависност од брзината на вашиот интернет) се добива соодветниот одговор.
Апликацијата би требало да се покаже како доста корисна во ситуации кога корисникот нема време и можност за куцање на виртуелната тастатура, како на пример додека вози автомобил.
