Колега во однос на првиот дел од твојот пост, по смртта на едно лице матичарот составува смртовница и ја испраќа до судот, а не до нотарот. Судот оформува предмет и го испраќа до нотарот. Така се поведува оставинска постапка ex officio. Ако матичатот не испрати смртовница, тогаш постапката може да се поведе и по барање на странките или како што ти пишуваш преку адвокат. Онаму каде што јас сум работела во 90 посто од случаите постапките се поведувале ex officio. Откако нотарот ќе добие предмет од судот, испраќа покани до наследниците кој се наведени во смртовницата. Еве ако нема смртовница од каде нотарот би знаел кој се наследници? Друго за оставинските предмети нотарот е дирекно одговорен пред Претседателот на Основниот суд на чие подрачје е назначен. На крајот од секоја календарска година Претседателот на судот се обраќа до нотарот и бара извештај за вкупно решени оставински предмети, зашто и самиот суд доставува извештај за работата, па во тие извештаи влегуваат и оставините како доверени предмети. Секој еден решен предмет нотарот го враќа во судот, а за себе задржува копија од истиот. Праксата досега покажала дека оставинската постапка е многу поекспедитивна и побрза откако е префрлена кај нотарите, тоа не го кажувам јас, туку има изготвени правни мислења од Министерство за правда врз основа на тие извештаи. Е сега како ќе се одвива оставинската постапка е знак прашалник, зошто колега ако досега нотарот испратил уредна покана до наследникот и го повикал на ричиште а истиот не дошол, нотарот по закон имаше право да го прогласи за наследник. Има многу случаи каде некој од наследниците е во странство а сака да земе дел, па досега не беше проблем зошто со уредна достава истиот беше прогласуван за наследник. Е сега пошто е задолжително присуство на адвокат незнам како би се извело тоа.
Во поглед на вториот дел од постот, тонот ти колега го наметна таков, еве врати се на твоите мислења и провери во колку наврати ти ги направи нотарите неписмени, вработените исто, јас неколку пати ти посочив да не генарализираш и ти приложив факти, а ако тоа си го сфатил како навреда дека јас се правам најпаметна еве ја ти се извинувам, не ми беше тоа намерата.
И за крај за трошоците, сметам дека сум доволно возрасна,образована и способна за расудување за да можам сама да ги проценам работите, а не некој да ме убедува во небулози како што тврдиш. Јас колега работам за плата, мене нивиот закон воопшто не ме тангира, освен во делот каде ми вовеле полагање на стручен испит на две години, но зашто секојдневно ја работам таа проблематика праксата ми кажува друго од тоа што ти го пишуваш овде. Како и да е, еве ќе помине време граѓаните сами ќе увидат и оценат дали законот им создава дополнителни трошкови или не.
