Достигнувајќи нови врвови на игнорантност и нетранспарентно работење, Фондот за Здравствено Осигурување без никакви консултации со родителите, донесе одлука 9 годишната Тамара Димовска да се лекува не во Хрватска, туку во Турција, иако родителите не примиле никаква препорака за болница во Турција.
Останува да се надеваме дека родителите ќе успеат што е можно поскоро да ги соберат потребните пари од донации за приватно лекување на девојчето во Хрватска, бидејќи оваа одлука за лекување на девојчето во Турција воопшто не ми делува како да е донесена за доброто на девојчето.
Иако во првиот пост од оваа тема на форумов пишува дека лекувањето на девојчето би било најевтино во Хрватска, каде што истото би чинело 30.000 евра, а во Турција или во САД би чинело 100.000 евра, одеднаш Фондот за Здравствено Осигурување, кој првично одбиваше да даде пари за лекување на девојчето во Хрватска, сега вели дека ќе даде пари за лекување на девојчето во Турција, иако не кажува колку точно ќе чини лекувањето на девојчето.
Чисто за потсетување, самопрогласениот менаџер наречен министер за здравство, се труди максимално како знае и умее, да скрати било какви трошења, па несомнено од тука доаѓа и ваквата нетранспарентна одлука за лекување на девојчето во Турција.
Ниту имаат препораки, ниту одлуката ја донеле транспарентно со согласност на родителите, ниту па објавуваат за каков третман станува збор, колку ќе чини истиот и најважното - колкав е процентот на успешно лекување со таков третман, поради што ова на мене лично не ми делува на арно, иако од се срце посакувам да грешам и девојчето успешно да се излекува, без разлика дали тоа ќе биде во Турција, во Хрватска или било каде.
http://www.telma.com.mk/vesti/tamara-kje-se-lekuva-vo-turcija-fzo-odluchi-bez-roditelite
ТАМАРА ДИМОВСКА ЌЕ СЕ ЛЕКУВА ВО ТУРЦИЈА
12.12.2014
Десет годишната Тамара Димовска од Велес која има 80 проценти искривен рбет на товар на државата ќе се лекува во Турција. Фондот за здравствено осигурување денеска соопшти дека комисијата за лекување во странство донела позитивно решение за операцијата да се изврши во болница во Турција.
Родителите од медиумите разбраа за ваквата одлука. Болницата се уште не ја знаат, но велат дека нивните предлози за лекување во странство не вклучувале болница во Турција, ниту пак некој ги прашал дали се согласуваат со ова решение. Ќе почекаат да ја добијат одлуката за да видат каков третман државата ќе и овозможи на нивната ќерка и се надеваат на најдоброто. Димовски помош побараа од медиумите и ја обелоденија нивната приказна откако фондот одби да одобри лекување во странство на државна сметка иако во земјава ниту еден доктор не се согласи да ја оперира Тамара.
Билјана Николовска