Жално е, бар според мене, да ги читаш коментариве, да не речам мислењава. Јасно ми е дека парите играат голема улога кај многу луѓе, ама не очекував дека е до толку.
Парите како дошле, така може да ги снема. Не дај боже, поплава, пожар, или некој да ве опљачка.... Па нема да знаете кај да се свртите. Некој може ќе има среќа, и ќе има повеќе од доволно за да си живее комотно, друг може ќе варира од многу на ништо па пак на многу. Има многу работи од кои тоа зависи. Дали си гастербајтер или не, тоа е само мал процент од целата равенка. Ако некој има многу пари сега, не значи дека тоа ќе биде случајот и за 10/20/50 години. И да заработува одлично, ако не знае како да ги троши парите и нема доволно да си купи млеко на крајот на месецот, што фајде?
Од друга страна, ако си најдеш сродна душа, тој/таа ќе биде со тебе, без разлика низ што поминувате. Ако сте имале еден тон пари и поради икс причини едвај можете да сврзете крај со крај (што се случува, и тоа почесто отколку што мислите), ќе бидете заедно и ќе можете да најдете решение и ќе биде два пати полесно. Нема ништо полошо од тоа да изгубиш работа, а со тоа и куќата и колата па како шлаг на се` тоа, и жената/мажот. А ако некој гледа барем малку на парите пред да се реши дали сака да биде со таа личност, нема да трпи да јаде леб и сол цела година само за да се вратат на некоја нормала. Точно, од љубов не се живее, ама кога немаш ништо, љубовта и те како помага да се пребродат тешките времиња.
Нормално дека на секој му прија да има повеќе пари. Незнам која будала би одбила пари. Ама тоа е еден плус и не треба да игра улога во одлучувањето. Многу е побитно каква е личноста и дали си одговарате. Ако тоа е погодено, и плус има пари (зашто е гастербајтер или не, небитно) ондак супер. Не ја гледам причината луѓето да судат. Ко автоматски, ако некој има пари, одма луѓево прво што помислуваат е „Аха, се земала со него/неа“ за пари. Иако, нормално, шансите се големи, не секогаш е така и е жално што тоа е првото нешто што поминува низ многу глави. Како да сме изгубиле верба во љубовта, како да е толку ретка што прва помисла е дека е невозможно.
Да одговорам на прашањето на темата, би се земала со гастербајтер доколку има љубов, исто како што би се земала и со негастербајтер. Не ја гледам причината да етикетирам дали е гастербајтер или не е. И незнам зашто тие што би или веке се земале со гастербајтер се осудувани и луѓето имаат лошо мислење за нив. Тоа за мене е глупост. Секој си има право на свое мислење, ама незнам зашто мора да се користат погрдни зборови. Нема поента.