Има ли некој искуство со вградување плин во TFSI мотор? Конкретно се работи за Audi A6 2.0 TFSI?
TFSI моторите спаѓаат во групата мотори со коморно вбризгување (direct injection - DI).За овој тип на мотори производителот Landirenzo ги дизајнираше Omegas Direct Injection плинските уреди. Се работи за уреди кои посебно се дизајнираат и произведуваат за секој тип на Direct Injection мотор, така што во пракса на нас ни е потребен кодот на моторот за да може да се провери дали Landirenzo произведува уред за тој мотор и да се направи нарачка. За 2.0 Direct Injection (FSI, TSI, TFSI) моторите на Ауди во моментов можеме да понудиме уред за возилатa со код на мотор:
BLR, BVY, AXW, BPJ, CDNB, AXX, BWE, BGB, BWA, CAWB, CCZC, CCZA и CDNC.
Негативна страна на плинските уреди за Direct Injection моторите е што не е можно целосно исклучување на бензинот, поточно во моторот ќе се вбризгува 10-12% бензин и 88-90% плин. Процентот на бензин се накачува до 18% во случај на некој проблем во моторот. Direct Injection уредите ги градуваме околу 2 години, од нашето искуство можам да кажам дека се покажаа сосем солидно. Omegas Direct Injection плинските уреди во моментов се најсофистицираните уреди кои се наменети за DI моторите, и постигнуваат најмало учество на бензин во вкупната потрошувачка на гориво во однос на конкурентските уреди..
Пред да се решите за вградување на овој тип на уред потребно е да обратите внимание на следните работи:
- да направите калкулација дали со километражата која планирате да ја поминувате со возилото ќе ви се исплатува неговото вградување, сепак се работи за скап уред со цена помеѓу 1000 и 1100 евра,
- да се смета на фактот дека моторот делумно ќе работи и на бензин (10-12%), што значи и одложување на враќањето на инвестицијата,
- да се знае фактот дека одржувањето на бензискиот дел на моторот мора да биде беспрекорно затоа што секоја аномалија кај Direct Injection моторите на плински погон ќе биде поизразена.
Времето потребно за инсталирање на Omegas Direct Injection уредот е 2 дена. Гаранцијата на уредот е 24 месеци
Вашето возило OPEL CORSA B1.0 12V е возило со 3 цилиндри.
