- Не е точно дека организацијата која ја знаеме како Ал-Каеда(која сепак не се вика така) се состои од ступидни млади луѓе што се разнесуваат со бомби ширум светот. Дури 62% од членовите на Ал-Каеда(сепак ќе ја викам така како што сите ја знаеме) имаат универзитетска диплома, а дури 30% од нив се доктори на наука(!). Вториот човек на Ал-Каеда, Ајман Ал-Завахири е очен хирург.
- Второ, не е точно дека Ал-Каеда е исламистичка фундаментална група. Исклучиво се работи за Сунитска група. Ал-Каеда не прифаќа членови што се обични муслимани, Шиити или пак припадници на некоја друга секта, како на пример Суфитите. Религиозните лидери на оваа организација имаат обзнането фатва, што значи дека сите муслимани што не се Сунити треба да се убијат! Ал-Каеда е најголемата анти-муслиманска група во светот!
- Трет мит што треба да се разбие е верувањето дека Осама Бин ладен е (т.е. беше) главен извор на финансирање на Ал-Каеда. Тоа не е точно. Можеби некогаш било, но во последните 10 години, најголема сума на пари Ал-Каеда добиваше од шверцувањето на дрога, посебно што Ал-Каеда е вториот најголем картел за дрога во Јужна Америка. При шверцот на дрога во Западна Европа, Ал-Каеда како транзитни точки ги користи и Македонија, Албанија и Косово.
- Четврт мит е дека најголемиот број членови на Ал-Каеда се од луѓе од Саудиска Арабија, но и тоа не е точно. Всушност, најбројни во оваа организација се Еѓипќаните, втори се Алжирците, а трети се лица од Јемен, од каде што е и Осама Бин Ладен, чиј татко емигрирал во Саудиска Арабија.
- Петто, многумина или речиси сите мислевме дека името на најголемата терористичка организација е Ал-Каеда, но тоа не е точно. Вистинското и единствено нејзино име е 'Каидат Ал-Џихад', што во превод значи 'Базата на Џихадот'! Името е адаптирано во 2002 година, кога две терористички организации, едната 'Египетски исламски џихад' на Ал-Завахири, и организацијата на Бин Ладен(која никогаш не се нарекувала Ал-Каеда) се обединија.
Поранешниот министер за надворешни работи на В.Британија, Робин Кук, своевремени изјави дека името Ал-Каеда е измислено од ЦИА. Според аналитичарот Сем Вакнин, терминот Ал-Каеда никогаш не се појавил се до 2001 година и по нападите на 11 септември, кога на суд во Њујорк имало процес против Осама Бин Ладен, на кој се појавил сведок со име Ал-Фадел. Тој на судењето истакнал дека постои терористичка организација што се вика Ал-Каеда и е предводена од Осама Бин Ладен. Подоцна било откриено, дека Ал-Фадел и претходно неколкупати бил апсен како измамник.
Ова се ставовите на израелскиот аналитичар Сем Вакнин. Текстовите се извадоци од неделникот Публика, а истите работи(само помалку) Вакнин ги кажа и во емисијата Во центар во петокот.