Во Првата песна и во стиховите од првата строфа Данте дал податоци за својот живот. Во таа доба тој го загубил патот и се нашол во темна и густа шума. Шумата и густжот се со алегорично значење кои ја отсликуваат лошата општествено - политичка и морална положба во која се наоѓала неговата родна Фиренца во тој период, а исто така ги симболизира земските човекови заблуди и грешки, кои не му дозволиле да го најде вистинскиот пат до совршеноста , до кој можело да се дојде само со вршење на добри дела. Затоа патот до ридот - симбол на сиромаштвото, душевниот мир и блаженство бил тежок, стрмлив и непрооден, на кој му се испречуваат три шумски животни : Пантер, Лав и Волчица. Данте преку пантерот ја симболизирал лакомоста и зависта, гревот на младоста. Преку лавот тој ја отсликува човековата горделивост и желба за власт, грев на позрелата возраст, а волчицата ја дал како симбол на лакомоста и незаситеноста за пари. Во поолитичка смисла , Данте преку овие три животни ги симболизирал тешкотиите и пречките што ги имало во тој период во неговата родна Фиренца и Италија, односно причините кои и пречеле на Италија во нејзиниот напредок.
При еден таков непрооден пат со опасни пречки, залутаниот поет бил спасен од Вергилиј - голем поет од Римската Империја, негов учител - симбол на мудроста , разумот и човековото знаење. Тој бил испратен од Беатриче, да го проведе низ пеколот , за да се запознае со последиците и страдањата на човековите души , што доаѓале од лоши пороци и слабости. Тие човечки души иако страдале, сепак имале надеж за ослободување. Меѓутоа, Вергилиј, според Данте не можел да да го доведе до спознавање на највисоките тајни на животот , односно било потребно " чиста рака " да го води низ Рајот. Во овој случај, тоа била раката на Беатриче - симбол на верата и благословската наука. Во Првата песна се разоткрива алегоричната смисла на целата поетска творба , која не е само слика на задгробниот живот туку и историја на човековото преродување и патот на неговото морално усовршување.
Што значи дека само преку патот на грешките и страдањето поради нив, преку осознавањето и нивно ослободување, единствено може да се дојде до совршено знаење, морално совршенство и среќа.